COVID-19 recoveries sa Quezon City, sumampa na sa 21,000

Nagkaroon pa ng mga bagong kaso ng COVID-19 sa Quezon City.

Sa datos ng Quezon City Health Department, umabot na sa 22,592 ang bilang ng mga kumpirmadong kaso ng nakakahawang sakit sa lungsod hanggang 8:00, Sabado ng umaga (October 31).

Ang nasabing bilang ng kaso ay na-validate na ng QCESU at district health offices.

Samantala, nasa 940 o katumbas ng apat na porsyento ang itinuturing na aktibong kaso ng pandemiya.

21,001 o 93 porsyento ang total recoveries sa COVID-19 sa lungsod habang 651 o tatlong porsyento ang nasawi.

Batay pa sa datos, nasa 19,605 ang suspected COVID-19 cases na kabilang na isinagawang contact tracing.