Magnitude 3.5 na lindol, yumanig sa Bataan

Tumama ang magnitude 3.5 na lindol sa Bataan, Sabado ng umaga.

Sa datos ng Phivolcs, naitala ang sentro ng lindol sa layong 15 kilometers Southeast ng Mariveles.

Tumama ang pagyanig dakong 10:49 ng umaga.

May lalim itong 156 kilometers at tectonic ang origin.

Gayunman, walang napaulat na pinsala sa mga ari-arian sa Mariveles at mga karatig-bayan.

Ayon pa sa Phivolcs, wala ring inaasahang aftershocks matapos ang pagyanig.