BREAKING: Kaso ng COVID-19 sa bansa umabot na sa 378,933
Mahigit 1,400 ang panibagong kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) araw ng Biyernes (October 30), umabot na sa 378,933 ang confirmed cases ng nakakahawang sakit sa bansa.
Sa nasabing bilang, 41,291 o 10.9 porsyento ang aktibong kaso.
Sinabi ng kagawaran na 1,442 ang bagong napaulat na kaso ng COVID-19 sa bansa.
83.3 porsyento sa active COVID-19 cases ang mild; 11.1 porsyento ang asymptomatic; 2 porsyento ang severe habang 3.6 porsyento ang nasa kritikal na kondisyon.
Nasa 38 ang napaulat na nasawi.
Dahil dito, umakyat na sa 7,185 o 1.90 porsyento ang COVID-19 related deaths sa bansa.
Ayon pa sa DOH, 636 naman ang gumaling pa sa bansa.
Dahil dito, umakyat na sa 330,457 o 87.5 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.