Shutdown sa operasyon ng MRT-3 mula bukas hanggang Nov. 2 kinansela dahil sa TY Rolly

By Dona Dominguez-Cargullo October 30, 2020 - 10:01 AM

Hindi na muna itutuloy ang pagpapatupad ng temporary shutdown sa operasyon ng MRT-3 bukas, Oct. 31 hanggang sa Nov. 2.

Sa abiso ng MRT-3, pinaburan ni DOTr Secretary Arthur Tugade na suspindihin ang naka-schedule na weekend shutdown.

Ito ay bilang pag-iingat sa posibleng pananalasa ng Bagyong Rolly.

Ayon sa abiso ng DOTr MRT-3, mahalagang maprotektahan ang mga manggagawa na magiging bahagi ng mga gagawing aktibidad sa mga nasabing petsa.

Nakatakda sanang isaayos ang 34.5 kilovolt alternating current (kV AC) switch gear sa depot at mga turnouts sa Taft Avenue station.

Magbibigay na lamang ng anunsyo ang pamunuan ng MRT-3 kung kailan matutuloy ang weekend shutdown.

Dahil dito, magpapatuloy ang operasyon ng mga tren sa mainline bukas hanggang Lunes.

 

 

 

 

 

 

 

TAGS: dotr, Inquirer News, mrt-3, News in the Philippines, Radyo Inquirer, suspension of operation, Tagalog breaking news, tagalog news website, temporary shutdown, weekend shutdown, dotr, Inquirer News, mrt-3, News in the Philippines, Radyo Inquirer, suspension of operation, Tagalog breaking news, tagalog news website, temporary shutdown, weekend shutdown

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.