Miyembro ng Maute Terror Group sumuko sa mga otoridad
Isinuko ng isang miyembro ng Maute Terror Group ang kaniyang sarili at mga armas sa militar.
Ayon sa ulat ng Joint Task Force ZamPeLan na isinumite kay WestMinCom Commander Lt. Gen. Corleto Vinluan, Jr., kinilala ang sumuko na si Samad Macaampon Ali, 40 anyos at miyembro ng Dawlah Islamiya-Maute Group.
Kusang isinuko ni Ali ang sarili sa mga tauhan ng 82nd Infantry Battalion.
Isinuko din ni Ali ang kaniyang M79 grenade launcher.
Ayon kay Vinluan, simula 2017 ay umalis na sa Maute Group si Ali dahil nais na niyang makapiling ang kaniyang pamilya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.