Miyembro ng Abu Sayyaf Group nasawi sa engkwentro sa Basilan
Patay ang isang miyembro ng Abu Sayyaf Group matapos maka-engkwentro ang mga sundalo sa Basilan.
Ayon kay Western Mindanao Command chief Lt. Gen. Corleto Vinluan, Jr. ang nasawing rebelde ay kinilalang si alyas Botak.
Si Botak at tagasunod ni ASG sub-leader Furuji Indama.
Ani Vinluan, nagkaroon ng engkwentro sa Barangay Felang sa Ungkaya Pukan na tumagal ng limang minuto.
Lulan ng motorsiklo ang rebelde kasama ang dalawang iba pa nang sila ay maharang sa ng mga tauhan ng 101st Infantry Brigade at 18th Infantry Battalion.
Pero sa halip na huminto ay nagpaputok ang tatlo.
Matapos ang palitan ng putok ay na-recover ng mga sundalo ang katawan ng rebelde, M-60 machine gun at motorisiklong ginamit.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.