Kaso ng COVID-19 sa Western Visayas, halos 16,500 na

Nagpositibo ang 143 pang pasyente sa COVID-19 sa bahagi ng Western Visayas.

Ayon sa Department of Health Western Visayas Center for Health Development hanggang October 29, umakyat na sa 16,480 ang mga kumpirmadong kaso ng COVID-19 sa rehiyon.

3,142 sa nasabing bilang ang aktibong kaso ng nakakahawang sakit.

Sinabi nito na 78.58 porsyento ng mga kaso ng COVID-19 ay asymptomatic o walang nararanasang sintomas.

84 naman ang gumaling pa kaya 12,953 na ang total recoveries sa Western Visayas.

Umakyat naman sa 385 ang bilang ng nasawi sa rehiyon dahil sa nakakahawang sakit.