Drive-thru installation ng RFID isasagawa sa Maynila

Magdaraos ng drive-thru na RFID installation sa lungsod ng Maynila.

Ayon kay Manila Mayor Isko Moreno, isasagawa ito mula sa Oct. 31 hanggang sa Nov. 1.

Bubuksan ang drive-thru sa Kartilya ng Katipunan mula alas 9:00 ng umaga hanggang alas 6:00 ng gabi sa nasabing mga petsa.

Ayon sa alkalde, tanging mga Class 1 na sasakyan ang papayagang pumila sa drive-thru gaya ng kotse, SUVs at passenger vans.

Wala namang hihinging anumang dokumento sa mga nais magpakabit, subalit kailangang magbayad ng P200 para sa initial load ng RFID.