Nasawi sa pananalasa ng Typhoon Quinta umakyat na sa 9

Umakyat na sa siyam ang bilang ng mga nasawi dahil sa panalalasa ng Typhon Quinta sa bansa.

Ayon sa update ng National DIsaster Risk Reduction and Management Council o NDRRMC, maliban sa siyam na nasawi, nakapagtala din ng 6 na sugatan at 2 pa ang nawawala.

Ang mga biktima ay mula sa Regions 4-A, 4-B, VI, at VII.

Umabot sa 49,557 na pamilya ang naapektuhan ng bagyo o 209,457 na katao mula sa 787 na mga barangay.

Sa nasabing bilang, 12,223 na pamilya pa ang nasa mga evacuation center.