Cataingan, Masbate niyanig ng magnitude 3.8 na lindol

Niyanig ng magnitude 3.8 na lindol ang lalawigan ng Masbate.

Ayon sa Phivolcs, naitala ang pagyanig sa 15 kilometers southeast ng bayan ng Cataingan, alas-7:57 umaga ng Miyerkules (October 28).

May lalim na 29 kilometers at tectonic ang origin ng pagyanig.

Ang pagyanig ay aftershock ng magnitude 6.6 na lindol sa lugar noong August 18.

Wala namang naitalang pagkasira ng mga ari-arian, intensities at aftershocks bunsod ng pagyanig.

Nauna ng naitala ang magnitude 3.6 na lindol sa lugar kaninang alas-2:21 ng madaling araw.