Chartered flight ng Red Cross aalis ng bansa patungong China bukas para sa biniling 450,000 na COVID-19 testing kits
Magpapadala ng chartered flight ang Philippine Red Cross sa China para kuhanin ang 450,000 na COVID-19 testing kits.
Ayon kay Sen. Richard Gordon, ang flight ay aalis bukas, Huwebes, Oct. 29.
Tinataya aniyang aabot sa $6 million ang gastos para sa chartered flight at para sa halaga ng testing kits.
Sinabi ni Gordn na dapat noong Martes pa nakaalis ang chartered flight pero dahil kababayad lamang ng PhilHealth sa partial na pagkakautang nito sa Red Cross ay naantala ang flight.
Dahil naibigay na ng PhilHealth ang partial payment na P500 million ay may panggastos na ang Red Cross para sa flight at testing kits.
Sa Huwebes din agad makababalik sa bansa ang flight dala ang mga testing kits.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.