WATCH: Duque, Morales at iba pang opisyal ng PhilHealth pinakakasuhan ng mga komite sa Kamara
Pinasasampahan na ng kaso ng House Committee on Public Accounts at House Committee on Good Government and Public Accountability sina Health Secretary Francisco Duque III, dating PhilHealth President Ricardo Morales at iba pang PhilHealth executives dahil sa korapsyon.
Base sa 64-pahinang committee report, sinasabing kinakitaan ng basehan ng mga nasabing komite upang kasuhan ang mga matataas na opisyal ng PhilHealth dahil sa Interim Reimbursement Mechanism o IRM.
Mga kasong paglabag sa Republic Act 3019 o Anti-Graft and Corrupt Practices Act at Article 220 ng Revised Penal Code ang ipinakakaso kina Duque at Morales.
Bukod sa mga ito, pinakakasuhan din sina Labor Secretary Silvestre Bello III, Social Welfare Secretary Rolando Bautista, Budget Secretary Wendel Avisado, Finance Secretary Carlos Dominguez III dahil ang mga ito ay miyembro ng PhilHealth board.
Kasama rin sa pinasasampahan ng mga nasabing kaso sina executive vice president Arnel de Jesus, senior vice president Dr. Israel Francis Pargas, at dating Senior Vice President for Legal Atty. Rodolfo del Rosario at Senior Manager Rogelio Pocallan Jr.
Sinabi ni Public Accounts Chairman Mike Defensor, ang inaprubahang committee report ay “subject to amendments” dahil ipapasok pa ang mga irerekomendang panukala ng mga mambabatas para sa pagsasaayos ng sistema ng PhilHealth.
Narito ang buong ulat ni Erwin Aguilon:
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.