Mga stranded na pasahero sa mga pantalan, nasa 102
Umabot na sa 102 ang bilang ng mga stranded na pasahero sa mga pantalan.
Ayon sa Philippine Coast Guard (PCG), ito ay bunsod ng Typhoon Quinta.
Sa maritime safety advisory hanggang 12:00, Martes ng tanghali (October 27), na-stranded ang 102 pasahero, truck drivers at cargo helpers sa mga pantalan sa National Capital Region at Palawan.
Maliban dito, stranded din ang tatlong vessels, at tatlong motorbancas.
Sinabi ng ahensya na light to moderate ang sea condition sa NCR at Palawan.
Patuloy naman ang 24/7 nationwide monitoring ng PCG Operations Center para sa istriktong implementasyon ng guidelines sa galaw ng mga sasakyang-pandagat.
Nakaalerto rin ang Coast Guard Districts, Stations, at Sub-Stations across sa bansa sakaling magkaroon ng emergency situations, katuwang ang Regional Disaster Risk Reduction and Management Council (RDRRMC).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.