Yellow heavy rainfall warning nakataas sa ilang bayan sa Cagayan

Nakararanas pa rin ng pag-ulan sa ilang mga bayan sa lalawigan ng Cagayan.

Ayon sa PAGASA ang nararanasang pag-ulan ay dulot ng Typhoon Quinta at Tail end ng Frontal System.

Sa inilabas na abiso ng PAGASA, alas 8:00 ng umaga, Oct. 27 yellow warning level ang nakataas sa bayan ng Gonzaga at Santa Ana.

Maaring makaranas ng pagbaha at landslides.

Samantala, mahina hanggang sa katamtamang pag-ulan ang nararanasan naman sa Babuyan Island at sa mga bayan ng Buguey, Gattaran, Lasam, Lal-lo, at Allacapan.