Mahigit 900,000 katao naapektuhan ng Typhoon Quinta
Umabot na sa mahigit 900,000 katao ang naapektuhan ng Typhoon Quinta.
Sa panayam ng Radyo INQUIRER, sinabi ni NDRRMC Spokesperson Mark Timbal, sa kabuuan, umabot na sa 938,746 na indibidwal ang naapektuhan.
Sa nasabing bilang, 177,467 ang nananatili sa mga evacuation centers.
Mayroong 855 na binuksan na evacuation centers sa Regions 3, 4-A, 4-B, 5, 7, 8 at CAR.
Ang iba pang mga naapektuhan ay pansamantalang nakikituloy sa kanilang kaanak.
Sa ngayon nagpapatuloy pa ang assessment ng mga local disaster office sa kung magkano ang halaga ng naidulot ng pinsala ng bagyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.