Yellow heavy rainfall warning nakataas sa Aurora

Nakataas ang heavy rainfall warning sa lalawigan ng Aurora dahil sa pag-ulan na nararanasan dulot ng Typhoon Quinta.

Ayon sa inilabas na rainfall warning ng PAGASA alas 5:00 ng umaga ngayong Martes, Oct. 27, yellow warning na ang umiiral sa Aurora.

Inabisuhan ang mga residente na maaring makaranas ng pagbaha sa mabababang lugar at pagguho ng lupa sa bulubunduking lugar.

Samantala, mahina hanggang sa katamtamang buhos ng ulan naman ang nararanasan sa Nagtipunan, Quirino at sa mga bayan ng Dupax delSur, Dupax del Norte at Kasibu sa Nueva Vizcaya.