Concepcion, Misamis Occidental niyanig ng lindol

Tumama ang magnitude 3.3 na lindol sa Misamis Occidental, Lunes ng hapon.

Sa datos ng Phivolcs, naitala ang episentro ng lindol sa layong 6 kilometers Southeast ng Concepcion dakong 3:21 ng hapon.

May lalim itong 8 kilometers at tectonic ang origin.

Gayunman, walang napaulat na pinsala sa mga ari-arian sa bayan ng Concepcion.

Wala ring inaasahang aftershocks matapos ang pagyanig.