Pahayag ito ng Palasyo ng Malakanyang kay Vice President Leni Robredo na nag self-quarantine matapos makasalamuha ang isang pasyente na nagpositibo sa COVID-19.
Ayon kay Presidential Spokesman Harry Roque, walang ibang hangad ang Palasyo kung hindi ang maayos at malusog na pangangatawan ni Robredo.
Ginawa ni Roque ang pahayag kahit panay ang batikos ni Robredo sa administrasyon dahil sa umanoy kakulangan at hindi maayos na pagresponde ng pamahalaan sa COVID-19.
Bukod kay Robredo, naka quarantine din ang kanyang staff na si Undersecretary Philip Dy.
Nakatakda sanang bumisita si Robredo sa Lucena, Quezon, at Caloocan City ngayong linggo subalit kanselado na ang mga ito.
MOST READ
LATEST STORIES