Yate lumubog habang nakadaong sa Bauan, Batangas; 1 ang nawawala

Mayroong isang nawawala makaraang lumubog ang isang yate sa Bauan, Batangas.

Sa panayam ng Radyo INQUIRER, sinabi ni Batangas Port Manager Joey Sinocruz, natanggap nila ang distressed call mula sa barko alas 5:39 ng umaga ngayong Lunes, Oct. 26.

Pitong sakay na ng yate na Ocean Explorer 3 ang nasagip habang isa pa ang nawawala.

Patuloy pa ang paghahanap sa nawawalang sakay ng yate.

Sinabi ni Sinocruz na hinampas ng malalaking alon sa pantalan ang yate hanggang sa tuluyan itong lumubog.