NCR at ilang lalawigan, uulanin pa rin

Patuloy na nakararanas ng malakas na pag-ulan ang ilang lalawigan sa Luzon.

Sa rainfall advisory ng PAGASA bandang 5:00 ng hapon, ito ay dulot pa rin ng Typhoon Quinta.

Mararanasan ng mahina hanggang katamtaman na kung minsan ay malakas na pag-ulan sa Metro Manila, Tarlac, Nueva Ecija, Zambales, Bataan, Pampanga, Bulacan, Cavite, Laguna, Rizal, Batangas at Quezon.

Nagbabala ang weather bureau sa posibleng pagbaha sa mabababang bahagi at pagguho ng lupa sa mga mabubundok na bahagi ng mga nasabing lugar.

Inabisuhan ang publiko at disaster risk reduction and management council na maging alerto at tutukan ang pinakahuling lagay ng panahon.