Metro Manila, mga kalapit na lalawigan patuloy na uulanin ayon sa PAGASA

Uulanin pa rin sa susunod na mga oras ang Metro manila at mga kalapit nitong lalawigan.

Sa inilabas na thunderstorm advisory ng PAGASA ala 3:21 ng hapon ngayong Biyernes (Oct. 23) katamtaman hanggang sa malakas na pag-ulan ang mararanasan sa Metro Manila, Bulacan, Pampanga, Bataan at Batangas.

Ganitong lagay na ng panahon ang nararanasan sa Laguna (Biñan, Sta. Rosa, Cabuyao, Calamba), Quezon (Calauag, Lopez, General Nakar, Tayabas, Lucban), Rizal (Rodriguez, Antipolo), Zambales (San Marcelino), Nueva Ecija (Carranglan), at Tarlac (Gerona).

Pinapayuhan ang mga residente sa mabababang lugar na maging maingat sa posibleng pagbaha.