Ilang lalawigan sa Central Luzon nakararanas pa rin ng pag-ulan

Inuulan pa rin ang ilang mga lalawigan sa Central Luzon dahil sa trough ng Typhoon Saudel.

Ayon sa inilabas na rainfall advisory ng PAGASA alas 11:00 ng umaga ngayong Biyernes (Oct. 23) ng mahina hanggang sa katamtamang pag-ulan ang mararanasan sa mga bayan ng Lubao at Floridablanca sa Pampanga.

Gayundin sa mga bayan ng Olongapo, Subic, Castillejos, San Antonio, at San Marcelino sa Zambales at sa buong Bataan.

Pinapayuhan ang mga residente na maging maingat sa posibleng pagbaha.