70 steel bollards sa EDSA-Shaw tunnel inararo ng fuel tanker

Isang fuel tanker ang naaksidente sa ilalim ng EDSA-Shaw madaling araw ngayong Biyernes (Oct. 23).

Ayon kay MMDA EDSA Traffic Head Bong Nebrija, umabot sa 70 steel bollards sa EDSA Shaw tunnel ang inararo ng fuel tanker at nawasak.

Idinahilan umano ng driver na pumutok ang tig-isang gulong sa harapan at likuran ng tanker.

Pero nang isailalim siya sa breathalyzer ng MMDA personnel, natuklasang siya ay nakainom.

Dahil sa nasira ang mga steel bollards ay pansamantalang papalitan ang mga ito ng traffic cones.