Bilang ng mga naka-recover sa COVID-19 sa lalawigan ng Rizal, umabot na sa 8,965

Tumaas pa ang bilang ng mga gumaling o naka-recover na sa coronavirus disease o COVID-19 sa lalawigan ng Rizal.

Base sa huling datos ng Provincial/City/Municipal Health Offices ng Rizal (Miyerkules, October 21), nadagdagan ng 88 ang bilang ng mga gumaling na sa COVID-19 sa lalawigan kaya umabot na ito sa 8,965.

Sa nasabing bilang 739 ang active cases.

Ang bilang naman ng mga nasawi sa COVID-19 sa lalawigan ay 349 kung saan nakapagtala ng 4 bagong nasawi.

Ang kabuuang bilang ng tinamaan ng virus sa lalawigan ay umabot na sa 10,053 na.