Actress Liza Soberano pinatatalikod sa Gabriela Youth ng isang top military official
Binalaan ni AFP – Southern Luzon Command commander, Lt. Gen. Antonio Parlade ang aktres na si Liza Soberano sa pakikipagtulungan nito sa makakaliwang grupong Gabriela Youth.
Sinabi ni Parlade na may pagkakataon pa si Soberano para itatwa ang grupo at dagdag pa nito baka sapitin niya ang nangyari kay Josephine Lapira, miyembro ng Gabriela Youth na namatay sa isang engkuwentro tatlong taon na ang nakakalipas.
Nagbigay din ito ng katulad na babala 2018 Miss Universe Catriona Gray.
Sinabi rin nito na si Ella Colmenares, kapatid ng aktres na si Angel Locsin, ay nakikipagtulugan sa mga miyembro ng NPA sa Quezon.
“The choice is yours Liza, and so with you Catriona,” he added. “Don’t follow the path Ka Ella Colmenares took in the underground,” pahayag pa ni Parlade, na tumatayong tagapagsalita din ng National Task Force to End Local Communist Armed Conflict.
Magugunita na sa isang webinar ng Gabriela Youth, hinikayat ni Soberano ang mga kababaihan na huwag matakot magsalita ukol sa ibat-ibang isyu at bunga nito inakusahan na siya nang pagsuporta sa NPA.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.