13 preso na pumuga sa Caloocan nagpositibo sa rapid test para sa COVID-19

By: Dona Dominguez-Cargullo - 4 years ago

Kinumpirma ng Caloocan City Police na ang labingtatlong preso na tumakas sa detention facility sa lungsod ay nauna nang nagpositibo sa rapid test para sa COVID-19.

Ayon kay Caloocan police chief Colonel Dario Menor hindi naman nanganaghulugang positibo na nga sa COVID-19 ang 13.

Ang mga preso ay tumakas sa pamamagitan ng pagbutas sa pader ng kanilang selda.

Isa sa mga tumakas ay naaresto na kaninang alas 8:30 ng umaga.

Simula noong Lunes ay inumpisahan na umano ng mga preso ang pagbutas sa pader batay sa pahayag ng presong nadakip.

Patuloy pa ang manhunt operation sa iba pang mga tumakas na PDLs.