Ilang bahagi ng Central Luzon, patuloy na uulanin

Patuloy na nakararanas ng malakas na pag-ulan ang ilang lalawigan sa Central Luzon.

Sa abiso ng PAGASA bandang 2:30 ng hapon, ito ay dulot pa rin ng Tropical Storm Pepito.

Asahang mararanasan pa rin ang mahina hanggang katamtamang pag-ulan sa Nueva Ecija.

Mahina hanggang katamtaman na kung minsan ay malakas na buhos ng ulan naman ang iiral sa Tarlac, Zambales, Bataan at Pampanga.

Nagbabala ang weather bureau sa posibleng pagbaha sa mabababang bahagi at pagguho ng lupa sa mga mabubundok na bahagi ng mga nasabing lugar.

Inabisuhan ang publiko at disaster risk reduction and management council na maging alerto at tutukan ang pinakahuling lagay ng panahon.