Sen. Cynthia Villar pinahihinto sa DA ang pagbibigay ng rice import permits
Dahil sobrang bagsak na ang presyo ng palay, inihirit ni Senator Cynthia Villar kay Agriculture Secretary William Dar na ipatigil na sa Bureau of Plant Industry ang pagbibay ng permit para sa pag-aangkat ng bigas.
Kasabay nito, sinabi ni Villar na halos P4.6 bilyon ang ipamamahagi sa 1.1 milyon magsasaka sa bansa bilang tulong-pinansiyal dahil sa epekto ng pandemiya at mababang halaga ng palay.
Ang pera, ayon sa senadora, ay ang sobrang nasingil ng Bureau of Customs sa rice importation na hanggang noong nakaraang buwan ay umabot na sa P13.6 billion maliban pa sa sumobra noong nakaraang taon.
Nakasaad sa Rice Tariffication Law, ang anumang halaga na hihigit sa P10 bilyon na koleksyon sa buwis sa pag-aangkat ng bigas ay maaring magamit para sa kapakanan o tulong sa mga magsasaka.
Sa inihain niyang Senate Joint Resolution No. 12, sinabi ni Villar ang mabibigyan ng ayuda na mga magsasaka ay ang mga nagsasaka lang ng isang ektarya o mas maliit pa.
Suportado nina Senate Majority Leader Juan Miguel Zubiri, Sens. Francis Pangilinan, Imee Marcos at Nancy Binay ang resolusyon ni Villar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.