Higit 100 pang residente sa Central Visayas, naka-recover sa COVID-19

Nagkaroon pa ng 21 na kaso ng COVID-19 sa Central Visayas.

Batay sa inilabas na datos ng DOH Central Visayas hanggang October 19, 21,826 na ang confirmed COVID-19 cases sa nasabing probinsya.

Sa naturang bilang, 919 ang aktibo pang kaso.

Umabot sa 146 ang bagong gumaling kung kaya 19,595 na ang COVID-19 recoveries.

Isa naman ang bagong napaulat na nasawi sa nasabing rehiyon.

Dahil dito, 1,312 na ang bilang ng mga pumanaw sa Central Visayas bunsod pa rin ng nakakahawang sakit.