Mga pamilyang naayudahan sa 2nd tranche ng SAP, nadagdagan pa

Tuluy-tuloy pa rin ang pamimigay ng tulong-pinansiyal sa ilalim ng 2nd tranche ng Social Amelioration Program (SAP).

Umabot na sa kabuuang 13,982,340 pamilyang benepisyaryo na ang nakatanggap ng cash aid.

Ito ay batay sa datos ng Department of Social Welfare and Development hanggang 8:00, Linggo ng gabi (October 18).

Dahil dito, tinatayang P83.5 bilyon ang nailabas ng DSWD para sa 2nd tranche ng SAP.

Sinabi pa ng kagawaran na tuloy pa rin ang pamamahagi ng emergency subsidy sa mga benepisyaryo ng SAP, kabilang ang mga “waitlisted” o karagdagang mga pamilya.