Ayon kay House Speaker Lord Allan Velasco, walang ginalaw ang kanyang liderato sa nauna ng mga alokasyon bago niya pinalitan sa puwesto si Cayetano.
Kaya hindi anya masasabi na nagkaroon siya ng pinamalaking pondo sa susunod na taon.
Paliwanag ni Velasco, nauna na niyang sinabi ang nais nito na ipasa ang budget kung ano ang nakasulat sa National Expenditure Program na isinumite sa Kongreso.
Iginiit nito, wala ring nakasingit na pork barrel sa ipinasang P4.5T 2021 national budget.
Dadaan naman anya ito sa Senado at bicameral conference committee kaya mapapatunayang legal ito at salig sa 1987 Constitution.