MRT, LRT, PNR tataasan na ang passenger capacity simula sa Lunes
Ipinag-utos ni Transportation Secretary Arthur Tugade sa DOTr railways sector na dagdagan ang maximum passenger capacity ng mga tren upang mas marami pa ang ma-accommodate na pasahero.
Ito ay alinsunod sa desisyon ni President Rodrigo Duterte at buong Gabinete na aprubahan ang mga rekomendasyon ng Economic Development Council (EDC) para sa economic recovery.
Simula sa Lunes, October 19, tataas na sa 30 porsyento ang maximum passenger capacity ng Metro Rail Transit Line – 3 (MRT-3), Light Rail Transit Line 1 (LRT-1), Light Rail Transit Line 2 (LRT-2), at Philippine National Railways (PNR).
Kasunod nito, nagkaroon ng adjustment sa nakalagay na social distancing marks sa loob ng tren.
“Our railway lines are preparing for the increased capacity, initially to 30%. Ang bilin po ni Secretary Tugade, dapat po ay dahan-dahan ang pagdagdag sa kapasidad ng mga tren at siguruhing mahigpit na ipatutupad ang 7 commandments upang maprotektahan ang kalusugan ng ating mga commuter,” pahayag ni DOTr Undersecretary for Railways TJ Batan.
Sa pagtaas ng train capacity, kaya nang makasakay ng 372 pasahero sa kada train set sa MRT-3.
“The increased train capacity is a big help for our passengers. Shorter waiting time and faster travel time will also help them to have better service from the rail line. We will make sure that as we implement the increased capacity inside the trains, we will also strictly enforce our health and safety protocols for the benefit of our passengers,” ayon kay MRT-3 Director for Operations Michael Capati.
Aabot naman sa 370 pasahero ang kayang mapasakay sa bawat train set sa LRT-1 habang 486 pasahero naman sa bawat train set ng LRT-2.
“We welcome this new development from the DOTr and we assure compliance. This eased physical distancing rule and increase in train capacity will benefit a greater number of our valued commuters while also supporting the country’s journey towards economic growth and recovery,” pahayag ni LRTA Administrator Berroya said.
Sa PNR, nasa 179 commuter ang kayang ma-accommodate sa kada train set para sa DMU ROTEM model; 167 sa kada train set para sa the DMU 8000; 228 sa kada train set para sa DMU 8100; at 302 pasahero naman sa kada train set para sa EMU model.
“We will comply to the directive, nevertheless we have the health and safety of our passengers as priority. We shall obtain the best possible capacity based on the parameters set utilizing optimal means to isolate passengers. While we aim for economic reintegration through the transportation service we also keep in mind the safety of our passengers and employees,” ani PNR GM Junn Magno.
Tiniyak naman ng kagawaran na patuloy pa ring ipatutupad ang “7 Commandments” o health protocols sa loob ng public transport upang maiwasan ang pagkalat ng COVID-19.
Magde-deploy din ng train marshals sa mga istasyon at loob ng tren.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.