Mayor Isko Moreno, mga opisyal ng simbahan sa Maynila nagpulong para sa idaraos na Simbang Gabi at Traslacion

Nakipagpulong si Manila Mayor Isko Moreno kay Bishop Broderick Pabillo at sa mga opisyal ng Quiapo Church.

Tinalakay ng mga opisyal ang mga posibleng adjustment na isasagawa sa Simbang Gabi at sa magaganap na Traslacion 2021.

Ayon kay Bishop Pabillo, hinihiling nilang magkaroon ng adjustment sa curfew sa Disyembre, para madagdagan ang schedule ng mga Simbang Gabi upang hindi magsisiksikan ang mga tao.

Pabor naman dito si Moreno, dahil kapag mas maraming misa, mas maiiwasan ang siksikan ng mga tao.

Tinalakay din ang mga posibleng adjustment na ipatutupad sa Traslacion 2021 at sa kapistahan ng Sto. Nino.

Tiniyak naman ni Moreno na talakayin ito sa Inter Agency Task Force para sa pag-apruba.