DENR at DOH nababahala na sa patuloy na pagdumi ng Davao river
Naalarma na ang Department of Environment and Natural Resources (DENR) at Department of Health (DOH) dahil sa patuloy na pagtaas ng coliform bacteria sa Davao river.
Ayon sa ulat ni Conrada Vinluan, project head ng DENR sa Davao, umabot na sa 16million most probable number (MPN) per 200 millimeter ang antas ng coliform sa Davao river base sa kanuha nilang mga samples.
Ang normal na level ayon sa opisyal ay 1,000MPN per 100millimeter lamang.
Nagmumula ang coliform sa dumi ng mga hayop at tao ganun din sa mga basurang nagmumula sa mga pabrika.
Lumilitaw rin sa ginawang imbestigasyon ng DENR na maraming mga nakatira sa paligid ng Davao river ang direktang nagtatapon ng kanilang human at domestic wastes sa ilog.
Kabilang sa mga lugar na may mataas na antas ng coliform ay ang Crocodile Park, Bankerohan spillway, Bolton river at mismong bukana ng Davao river.
Napansin din ng mga opisyal ng DENR ang pagsulputan ng mga mga piggeries sa gilid ng ilog na lalo pang nagpalala sa sitwasyon sa lugar.
Ang coliform ay pwedeng magdulot ng diarrhea, skin disease, cholera, typhoid fever at iba pang viral diseases.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.