Makararanas pa rin ng pag-ulan ang ilang lalawigan sa bahagi ng Mindanao.
Sa rainfall advisory ng PAGASA bandang 1:05 ng hapon, ito ay bunsod ng umiiral na Southwest Monsoon o Habagat.
Sinabi ng weather bureau na asahan ang mahina na kung minsan ay katamtamang lakas na pag-ulan sa Misamis Oriental partikular sa Magsaysay, Gingoog at Claveria; Agusan del Norte sa Buenavista, Nasipit, at Santiago; Surigao del Sur sa Tagbina at Lingig; Dinagat Islands; Davao de Oro sa Monkayo at New Bataan.
Uulanin din ang Lanao del Sur (Tagoloan II, Bubong, Maguing, Lumba Bayabao, Kapai, Masiu); Misamis Occidental (Dv Chiongbian); Sultan Kudarat (Lebak, Kalamansig); Zamboanga del Norte (Sibuco); Zamboanga City; Zamboanga del Sur (Molave, Dumingag); Basilan; Sulu; TawiTawi sa susunod na dalawa hanggang tatlong oras.
Inabisuhan naman ang publiko na mag-ingat at antabayan ang susunod na update ukol sa lagay ng panahon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.