Pangulong Duterte handang magpaturok ng bakuna kontra COVID-19 na galing China o sa Russia

Naghihintay na lamang si Pangulong Rodrigo Duterte na tawagin ng China o Russia para maturukan ng bakuna kontra COVID-19.

Ayon sa pangulo, nakahanda siyang tupiin ang manggas ng kanyang damit para magpaturok ng bakuna.

Giit ng pangulo, kumpiyansa siya na ligtas ang bakuna ng China at Russia.

“Tayo, kaming mga civilian puwede tayong ma-last. Pero kung mag-offer… Ako nagahintay ako tawagin ako ng China or Russia. I’ll be glad to open up my sleeves and, “sige,” kasi may kumpyansa nga ako,” pahayag ng Pangulo.

Una nang sinabi ng pangulo na nakahanda siyang maunang magpaturok ng bakuna kontra COVID-19 para mawala ang agam agam ng tao kung ligtas o hindi ang bakuna.