‘Power Bill’ lumusot na sa 3rd at final reading sa Senado

Walang senador ang kumontra sa panukala na mabigyan ng kapangyarihan ang bansa na padaliin ang pagbibigay ng national and local permits, licenses at certifications tuwing may national emergency.

Nabatid na 23-0-0 ang naging botohan, ayon kay Senate Majority Leader Juan Miguel Zubiri, ang may-akda at sponsor ng Senate Bill No. 1844.

Paliwanag ni Zubiri, isinulong niya ang panukala alinsunod sa probisyon sa Bayanihan to Recover as One Act o Bayanihan 2, na nagpalawig sa kapangyarihan ni Pangulong Rodrigo Duterte sa gitna ng pandemya.

Naging co-authors din ng panukala sina Senate President Vicente “Tito” Sotto III, Senate President Pro-Tempore Ralph Recto, Senate Minority Leader Franklin Drilon at Sen. Panfilo “Ping” Lacson.

“This bill seeks to authorize the President, during the time of national emergency, to suspend the requirements for national and local permits, licenses and certifications, and to streamline and expedite the process for the issuance of the same. While this may be a small step, it surely can create a significant impact on all enterprises,” sabi ni Zubiri.

Nangyari ang botohan nang matanggap ng Senado ang sertipikasyon na ‘urgent’ ang panukala mula sa Malakanyang.