Nagsimula na ang balasahan sa liderato ng Kamara sa ilalim ng pamumuno ni Speaker Lord Allan Velasco.
Sa sesyon, Miyerkules ng hapon (October 14), ng mga kongresista, inihalal si Oriental Mindoro Rep. Salvador “Doy” Leachon bilang Senior Deputy Speaker kapalit ni Presidential son at Davao City Rep. Paolo Duterte na itinalaga bilang chairman ng Accounts Committee.
Muli namang nahalal bilang Deputy Speaker si 1PACMAN Partylist Rep. Michael Romero at pinalitan si Camarines Sur Rep. LRay Villafuerte na malapit na kaalyado ng dating Speaker at Taguig-Pateros Rep. Alan Peter Cayetano.
Martes ng gabi, October 13, naunang inihalal na Chairman ng Committee on Accounts si Duterte kapalit ni Cavite Rep. Abraham Tolentino na kaalyado rin ni Cayetano.
Nailuklok din sa ikalawang pagkakataon si Quezon Rep. Angelina Tan bilang Chairman ng Committee on Health kapalit ni Guimaras Rep. Ma. Lucille Nava.
Sina Romero at Tan ay sinibak sa puwesto habang nasa kasagsagan ng awayan sa Speakership post.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.