Red rainfall warning itinaas ng PAGASA sa Northern Samar at Sorsogon

Dahil sa patuloy na malakas na buhos ng ulan na nararanasan itinaas pa ng PAGASA ang rainfall warning na umiiral sa Northern Samar at Sorsogon.

Sa inilabas na heavy rainfall warning ng PAGASA alas 6:00 ng umaga ngayong Miyerkules, Oct. 14 ay red warning level na ang umiiral sa dalawang lalawigan.

Nagbabala ng severe flooding ang PAGASA sa mga flood prone areas at malalapit sa river channels.

Orange warning naman ang nakataas na sa Masbate at Albay.

Habang yellow warning level sa Camarines Norte, Camarines Sur, Catanduanes, Marinduque at Romblon.

Pinapayuhan ng PAGASA ang publiko na mag-antabay sa mga inilalabas na abiso ng weather bureau sa lagay ng panahon.