Rigodon ipinatupad sa Kamara; Davao City Rep. Paolo Duterte, itinalagang chairman ng Accounts Committee
Ilang oras matapos ang pag-upo ni House Speaker Lord Allan Velasco, nagkaroon agad ng rigodon sa Kamara.
Itinalaga bilang chairman ng House Committee on Accounts si Presidential son at Davao Rep. Paolo Duterte.
Pinalitan ni Duterte ang kilalang kaalyado ng pinatalsik na House Speaker Alan Peter Cayetano na si Cavite Rep. Bambol Tolentino.
Samantala, dalawang bagong kongresista ang nanumpa, araw ng Martes (October 14), kasabay ng pagbubukas ng special session ng Mababang Kapulungan ng Kongreso.
Unang nanumpa ang asawa ni Ronald Cardema na si Ducielle Cardema na kinatawan ng Duterte Youth Partylist.
Nanumpa rin bilang bagong kinatawan ng Senior Citizen Partylist si Rodolfo Ordanes kapalit ng nasawing si Rep. Francisco Datol Jr.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.