Number coding, lifted para sa provincial buses sa Miyerkules Santo

Papayagan ang mga provincial bus na makabiyahe sa Metro Manila sa Miyerkules Santo, March 23, 2016 kahit coding ng bus.

Ito ay matapos magpasya ang Metropolitan Manila Development Authority (MMDA) na i-lift ang number coding sa nasabing petsa para lamang sa mga provincial bus.

Ayon sa MMDA, inaasahan kasi na sa Miyerkules Santo ang pinakamaraming dagsa ng mga pasaherong uuwi sa mga lalawigan para gunitain ang Mahal na Araw.

At upang matiyak na sapat ang bilang ng mga bus ay papayagan silang bumiyahe kahit coding ng sasakyan.