286 LSIs, 17 APORs, nakauwi ng Ozamiz City ngayong araw

Ligtas na nakadaong sa Port of Ozamiz ang barkong lulan ang aabot sa 286 na mga Locally Stranded Individuals (LSIs) at 17 APORs.

Sila ay pawang mula sa Maynila at Cebu.

Ganap na ala una ng madaling araw nang dumating sa Port of Ozamiz ang mga LSIs at APORs.

Ang mga nasabing pasahero na patungo ng Misamis Occidental, Zamboanga del Norte, Zamboanga del Sur at Lanao del Norte ay sumailalim sa Rapid Antibody Test sa pangunguna ng PGO-Misamis Occidental at CHO-Ozamiz.

Sa datos ng PPA-PMO Misamis Occidental/ Ozamiz, 9,893 na pasahero na ang nabigyang serbisyo sa nasabing pantalan mula ng pahintulutan ang biyahe ng mga sasakyang pandagat para sa LSIs, APORs at ROFs.