‘Face-to-face classes’ pinag-aaralan sa mga lugar na ‘zero COVID 19’
Pinaghahandaan na ng Department of Education (DepEd) ang pagbabalik ng ‘face-to-face classes’ sa mga lugar na walang kaso ng COVID-19.
Ito ang sinabi ni Education Usec. Tonisito Umali kasabay ng pagtitiyak na sa ngayon, walang ‘face-to-face classes’ na nangyayari saan man panig ng bansa.
Kasabay nito, ang kanyang pag-amin ng ilang maling nilalaman ng ipinamahaging self-learning modules at humingi si Umali ng pang-unawa sa pangyayari.
“Itatama po natin yan. Tayo ay nagsisikap na maging perpekto ang lahat. Sisakapin po natin kahit hindi perpekto ang ating sitwasyon,” sabi ng opisyal.
Noong Oktubre 5, muling nagsimula ang mga klase at agad binaha ang social media ng mga maling nilalaman ng modules at marami sa mga ito ang naging tampulan ng kakatawanan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.