PCG, nagsagawa ng search and rescue ops sa banggaan ng dalawang bangka sa Sulu

Nagkasa ang Philippine Coast Guard (PCG) ng search and rescue (SAR) operations sa karagatang sakop ng Sulu, araw ng Linggo (October 11).

Ito ay kasunod ng napaulat na collision incident sa pagitan ng dalawang bangka bandang 10:00 ng umaga.

Ngunit matapos ang apat na oras na operasyon, itinigil ito ng ahensya bunsod ng mabigat ng buhos ng ulan at hindi magandang kondisyon ng dagat.

Inalerto naman ang mga lokal na mangingisda na magsilbing lookout.

Inabisuhan din ang mga mangingisda na agad i-report sa pinakamalapit na Coast Guard unit para sa kinakailangang aksyon.