Heavy rainfall warning sa Zambales binawi na ng PAGASA

Binawi na ng PAGASA ang heavy rainfall warning na inisyu sa lalawigan ng Zambales.

Ayon sa PAGASA, terminated na ang yellow warning level na unang itinaas sa nasabing lalawigan.

Mahina hanggang katamtamang pag-ulan na lang kasi ang naobserbahan sa Zambales sa nakalipas na 3 oras.

Samantala. mahina hanggang katamtamang pag-ulan pa rin ang aasahan mga bayan ng Iba, Palauig, Masinloc, Candelaria at Sta. Cruz sa Zambales.

Gayundin sa mga bayan ng Sta. Ignacia San Jose, Mayantoc, Camiling, at San Clemente sa Tarlac.

Pinapayuhan ang mga residente sa mabababang lugar na maging maingat sa posibleng pagbaha.