LRT-2 walang operasyon sa Holy Week
Apat na araw na walang biyahe ang line 2 ng Light Rail Transit (LRT) sa Holy Week.
Ayon kay LRT Authority Spokesman Atty. Hernando Cabrera, sa March 23 pa lamang na Miyerkules Santo ay maaga nang tatapusin ang operasyon ng LRT-2.
Ang huling biyahe mula sa Santolan station ay aalis ng alas 8:00 ng gabi at ang huling biyahe mula Recto station ay aalis naman ng alas 8:30 ng gabi.
Simula sa March 24, Huwebes Santo hanggang sa March 27, Easter Sunday, tigil operasyon muna ang LRT-2.
Ang nasabing mga petsa ay sasamantalahin naman ng pamunuan ng LRTA para maisailalim sa pagsasaayos ang mga tren.
Sa March 28 ay balik normal na ang operasyon ng LRT-2.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.