BREAKING: Mga tinamaan ng COVID-19 sa Pilipinas, umabot na sa 334,770
Nakapagtala ng halos 3,000 na panibagong kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Biyernes (October 9), umabot na sa 334,770 ang confirmed cases ng nakakahawang sakit sa bansa.
Sa nasabing bilang, 53,311 ang aktibong kaso.
Sinabi ng kagawaran na 2,996 ang bagong napaulat na kaso ng COVID-19 sa bansa.
85.8 porsyento sa active COVID-19 cases ang mild; 9.9 porsyento ang asymptomatic; 1.4 porsyento ang severe habang 3.0 porsyento ang nasa kritikal na kondisyon.
Nasa 83 naman ang dagdag na napaulat na nasawi.
Dahil dito, umakyat na sa 6,152 ang COVID-19 related deaths sa bansa.
Ayon pa sa DOH, 1,045 naman ang gumaling pa sa bansa.
Dahil dito, umakyat na sa 275,307 ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.