Mahigit 200 pamilya inilakas sa Lucena City

Umabot na sa mahigit 200 pamilya ang inilikas sa Lucena City dahil sa naranasang pagbaha doon bunsod ng magdamag na pag-ulan na dulot ng Habagat.

Ayon kay Lucena City Disaster Risk Reduction and Management Office officer Janeth Gendrano, simula kagabi ay umabot na sa 225 na pamilya ang pansamantalang dinala sa mga evacuation center.

Ito ay makaraang tumaas ang tubig baha sa Barangay Market View sa lungsod.

Umapaw kasi ang tubig sa Dumaaca River.

Ngayong umaga, sinabi ni Quezon Provincial Disaster Risk Reduction and Management Office officer Mhel Avenilla na unti-unti nang humupa ang tubig-baha sa mga apektadong lugar.