Operasyon ng LRT-2 sinuspinde matapos ang sunog sa Santolan Station

Matapos ang sunog sa LRT-2 Santolan Station, suspendido ang buong operasyon ng LRT-2.

Ayon kay LRTA Spokesperson Lyn Paragas, itinigil muna ang byahe mula sa Cubao hanggang Recto stations at pabalik habang inaalam ang dahilan ng sunog

Sinabi ni Paragas na agad silang maglalabas ng abiso kung maitutuloy pa ang operasyon ngayong araw.

Una rito, sinabi ni LRTA administrator Rey Berroya na sa electrical room kung nasan naroon ang UPS nagmula ang sunog.

Ang UPS gadgets ay ginagamit upang ma-sustain ang railway system.

Sinabi ni Beroya na patuloy pa ang imbestigasyon sa insidente.