Hinimok ni ACT-CIS Rep. Niña Taduran ang pamahalaan para gamitin sa iba pang transaksyon ang Beep card.
Ayon kay Taduran, maaaring gawing debit card o all-around card ang Beep card na magagamit pambayad sa halos lahat ng transaksyon.
Bukod aniya sa pagbabayad sa mga public transportation ay gamitin na rin ang beep card sa iba pang transaksyon tulad sa pagbabayad ng grocery, gamot at fast food.
Inihalimbawa ng kongresista ang Octopus card sa Hong Kong kung saan nagagamit ito sa public buses, ferries, train at taxis, gayundin para sa pagbili sa convenience stores, fast food at pagbabayad sa parking.
Ang mungkahi ay kasunod na rin ng pahayag ni Pangulong Rodrigo Duterte na ipamahagi ng libre sa mga commuter ang Beep card.